MN 116 PTS MN 3.68
Isigilisutta
Глотающая провидцев
Нажмите на любое слово пали, чтобы увидеть его значение.
Evaṁ me sutaṁ— ekaṁ samayaṁ bhagavā rājagahe viharati isigilismiṁ pabbate. Tatra kho bhagavā bhikkhū āmantesi: “bhikkhavo”ti.
Так я слышал. Однажды Благословенный проживал в Раджагахе возле [горы] Исигили – Глотающей Провидцев. Там он обратился к бхикку так: «Бхикку!»
“Bhadante”ti te bhikkhū bhagavato paccassosuṁ. Bhagavā etadavoca:
«Да, уважаемый», – отвечали бхикку. Благословенный сказал следующее:
“Passatha no tumhe, bhikkhave, etaṁ vebhāraṁ pabbatan”ti?
«Бхикку, вы ведь видите эту гору Вебхару, не так ли?»
“Evaṁ, bhante”.
«Да, уважаемый».
“Etassapi kho, bhikkhave, vebhārassa pabbatassa aññāva samaññā ahosi aññā paññatti. Passatha no tumhe, bhikkhave, etaṁ paṇḍavaṁ pabbatan”ti?
«У этой горы Вебхары было другое имя, другое название. Бхикку, вы ведь видите эту гору Пандава, не так ли?»
“Evaṁ, bhante”.
«Да, уважаемый».
“Etassapi kho, bhikkhave, paṇḍavassa pabbatassa aññāva samaññā ahosi aññā paññatti. Passatha no tumhe, bhikkhave, etaṁ vepullaṁ pabbatan”ti?
«У этой горы было другое имя, другое название. Бхикку, вы ведь видите эту гору Вепуллу, не так ли?»
“Evaṁ, bhante”.
«Да, уважаемый».
“Etassapi kho, bhikkhave, vepullassa pabbatassa aññāva samaññā ahosi aññā paññatti. Passatha no tumhe, bhikkhave, etaṁ gijjhakūṭaṁ pabbatan”ti?
«У этой горы было другое имя, другое название. Бхикку, вы ведь видите эту гору Гидджхакуту – Пик Грифов, не так ли?»
“Evaṁ, bhante”.
«Да, уважаемый».
“Etassapi kho, bhikkhave, gijjhakūṭassa pabbatassa aññāva samaññā ahosi aññā paññatti. Passatha no tumhe, bhikkhave, imaṁ isigiliṁ pabbatan”ti?
«У этой горы было другое имя, другое название. Бхикку, вы ведь видите эту гору Исигили – Глотающую Провидцев, не так ли?»
“Evaṁ, bhante”.
«Да, уважаемый».
“Imassa kho pana, bhikkhave, isigilissa pabbatassa esāva samaññā ahosi esā paññatti.
«У этой горы были точно такое же имя, такое же название.
Bhūtapubbaṁ, bhikkhave, pañca paccekabuddhasatāni imasmiṁ isigilismiṁ pabbate ciranivāsino ahesuṁ. Te imaṁ pabbataṁ pavisantā dissanti, paviṭṭhā na dissanti. Tamenaṁ manussā disvā evamāhaṁsu: ‘ayaṁ pabbato ime isī gilatī’ti; ‘isigili isigili’ tveva samaññā udapādi.
В прежние времена пятьсот паччекабудд долгое время проживали на этой горе, Глотающей Провидцев. Было видно, как они входят в этот холм. Как только они вошли, их более не было видно. Люди, которые видели это, говорили: «Эта гора проглатывает этих провидцев». И так сталось, что её стали называть «Глотающая Провидцев» (Исигили).
Ācikkhissāmi, bhikkhave, paccekabuddhānaṁ nāmāni; kittayissāmi, bhikkhave, paccekabuddhānaṁ nāmāni; desessāmi, bhikkhave, paccekabuddhānaṁ nāmāni. Taṁ suṇātha, sādhukaṁ manasi karotha, bhāsissāmī”ti.
Бхикку, я донесу вам имена паччекабудд, я расскажу вам об именах паччекабудд, я научу вас именам паччекабудд. Слушайте внимательно то, о чём я буду говорить».
“Evaṁ, bhante”ti kho te bhikkhū bhagavato paccassosuṁ. Bhagavā etadavoca:
«Да, уважаемый», – отвечали они. Благословенный сказал следующее:
“Ariṭṭho nāma, bhikkhave, paccekasambuddho imasmiṁ isigilismiṁ pabbate ciranivāsī ahosi; upariṭṭho nāma, bhikkhave, paccekasambuddho imasmiṁ isigilismiṁ pabbate ciranivāsī ahosi; tagarasikhī nāma, bhikkhave, paccekasambuddho imasmiṁ isigilismiṁ pabbate ciranivāsī ahosi; yasassī nāma, bhikkhave, paccekasambuddho imasmiṁ isigilismiṁ pabbate ciranivāsī ahosi; sudassano nāma, bhikkhave, paccekasambuddho imasmiṁ isigilismiṁ pabbate ciranivāsī ahosi; piyadassī nāma, bhikkhave, paccekasambuddho imasmiṁ isigilismiṁ pabbate ciranivāsī ahosi; gandhāro nāma, bhikkhave, paccekasambuddho imasmiṁ isigilismiṁ pabbate ciranivāsī ahosi; piṇḍolo nāma, bhikkhave, paccekasambuddho imasmiṁ isigilismiṁ pabbate ciranivāsī ahosi; upāsabho nāma, bhikkhave, paccekasambuddho imasmiṁ isigilismiṁ pabbate ciranivāsī ahosi; nīto nāma, bhikkhave, paccekasambuddho imasmiṁ isigilismiṁ pabbate ciranivāsī ahosi; tatho nāma, bhikkhave, paccekasambuddho imasmiṁ isigilismiṁ pabbate ciranivāsī ahosi, sutavā nāma, bhikkhave, paccekasambuddho imasmiṁ isigilismiṁ pabbate ciranivāsī ahosi; bhāvitatto nāma, bhikkhave, paccekasambuddho imasmiṁ isigilismiṁ pabbate ciranivāsī ahosi.
«Бхикку, паччекабудда Ариттха долгое время проживал на этой горе Исигили. Паччека-будда Упариттха…. Тагарасикхин… Ясассин… Судассана… Пийядассин… Гандхара… Пиндола… Упасабха… Нитха… Татха… Сутава… Бхавитатта долгое время проживал на этой горе Исигили».
Ye sattasārā anīghā nirāsā, Paccekamevajjhagamaṁsu bodhiṁ; Tesaṁ visallāna naruttamānaṁ, Nāmāni me kittayato suṇātha.
Святые существа, что без желаний и страданий, И каждый из которых пробуждения сам [смог] достичь – Об именах всех этих величайших расскажу я, О тех, кто [ядовитую] стрелу сумел достать.
Ariṭṭho upariṭṭho tagarasikhī yasassī, Sudassano piyadassī ca susambuddho; Gandhāro piṇḍolo upāsabho ca, Nīto tatho sutavā bhāvitatto.
Ариттха, Упариттха, Тагарасикхин, Ясассин, Судассана, Пийядассин просветлённый, Гандхара и Пиндола, а также Упасабха, Нитха и Татха, Сутава, Бхавитатта.
Sumbho subho matulo aṭṭhamo ca, Athassumegho anīgho sudāṭho; Paccekabuddhā bhavanettikhīṇā, Hiṅgū ca hiṅgo ca mahānubhāvā.
Сумбха, [а также] Субха, Метхула и Аттхама, Ассумегха, Анигха и Судатха, Паччекабудды, что уничтожили к существованию проводник. Хингу и Хинга – великие, могучие,
Dve jālino munino aṭṭhako ca, Atha kosallo buddho atho subāhu; Upanemiso nemiso santacitto, Sacco tatho virajo paṇḍito ca.
Джали, Аттхака – мудрецов вот так двух звали, Затем Косала просветлённый [был, а также и] Субаху, Упанеми и Неми, [также был] и Сантачитта – Правдивы, праведны, мудры и безупречны.
Kāḷūpakāḷā vijito jito ca, Aṅgo ca paṅgo ca guttijito ca; Passi jahi upadhidukkhamūlaṁ, Aparājito mārabalaṁ ajesi.
Кала, Упакала, Ваджита, как и Джита; Анга и Панга, Гутидджита вместе с ними; Пассин корень страданий, обретения поверг. Апараджита, кто смог силу Мары одолеть.
Satthā pavattā sarabhaṅgo lomahaṁso, Uccaṅgamāyo asito anāsavo; Manomayo mānacchido ca bandhumā, Tadādhimutto vimalo ca ketumā.
Саттхар и Паваттар, Сарабханга, Ломахамса, Уччангамая, Анасава и Асита, И Маномая, Бандхумант, кто без гордыни, Сияющим, без пятен был Тададхимутта.
Ketumbharāgo ca mātaṅgo ariyo, Athaccuto accutagāmabyāmako; Sumaṅgalo dabbilo supatiṭṭhito, Asayho khemābhirato ca sorato.
Кетумбарага, Ария, [а также и] Матанга, Аччута, Аччутагама, Бьямака [также был], Сумангала, Даббила, Супатиттхита [также], Асайха, Кхемабхирата, Сората [вместе с ними].
Durannayo saṅgho athopi ujjayo, Aparo muni sayho anomanikkamo; Ānando nando upanando dvādasa, Bhāradvājo antimadehadhārī.
Дураннайя и Сангха, а также и Удджая, И Сайха – тот мудрец с стремлением благородным. Двенадцать между ними [были] – Нанды и Ананды, Упананды и Бхарадваджи с телом уж последним.
Bodhi mahānāmo athopi uttaro, Kesī sikhī sundaro dvārabhājo; Tissūpatissā bhavabandhanacchidā, Upasikhi taṇhacchido ca sikhari.
Бодхи, а также величайший Маханама, И Бхарадваджа со светловолосой гривой; Тисса и Упатисса лишены существования; Упасидарин, Сидарин – свободные от жажды.
Buddho ahu maṅgalo vītarāgo, Usabhacchidā jāliniṁ dukkhamūlaṁ; Santaṁ padaṁ ajjhagamopanīto, Uposatho sundaro saccanāmo.
Мангала просветлённый страсти всякой был лишённым, Усабха сеть прорезал – корень [всяческих] страданий. Упанита достиг [непревзойдённого] покоя, Упосатха, Сундара и Саччанама.
Jeto jayanto padumo uppalo ca, Padumuttaro rakkhito pabbato ca; Mānatthaddho sobhito vītarāgo, Kaṇho ca buddho suvimuttacitto.
Джета, Джаянта, и Падума и Упала, Падумуттара, Раккхита, а также и Паббата, И славный Манаттхаддха, освободившийся от жажды, И просветлённый Канха с умом освобождённым.
Ete ca aññe ca mahānubhāvā, Paccekabuddhā bhavanettikhīṇā; Te sabbasaṅgātigate mahesī, Parinibbute vandatha appameyye”ti.
Все эти и другие – великие, могучие – Паччека-будды не идут к существованию. И чтите сих мудрейших, кто узлы все превзойти смог, Ниббаны окончательной достиг, вне всяких мер».
Isigilisuttaṁ niṭṭhitaṁ chaṭṭhaṁ.