SN 11.2 PTS (1st ed) SN 1.217 1. Сувира
Susīmasutta
Сусима
Нажмите на любое слово пали, чтобы увидеть его значение.
Sāvatthiyaṁ.
В Саваттхи.
Tatra kho bhagavā bhikkhū āmantesi: “bhikkhavo”ti.
Там Благословенный обратился к бхикку: «Бхикку!»
“Bhadante”ti te bhikkhū bhagavato paccassosuṁ. Bhagavā etadavoca:
«Уважаемый», – отвечали те бхикку. Благословенный сказал:
“Bhūtapubbaṁ, bhikkhave, asurā deve abhiyaṁsu.
«Бхикку, как-то раз асуры отправились на битву против дэв.
Atha kho, bhikkhave, sakko devānamindo susīmaṁ devaputtaṁ āmantesi: ‘ete, tāta susīma, asurā deve abhiyanti. Gaccha, tāta susīma, asure paccuyyāhī’ti.
И тогда Сакка, царь дэв, обратился к Сусиме, молодому дэве: "Дорогой Сусима, эти асуры отправились на битву против дэв".
‘Evaṁ, bhaddantavā’ti kho, bhikkhave, susīmo devaputto sakkassa devānamindassa paṭissutvā pamādaṁ āpādesi.
"Да, ваше владычество" – ответил Сусима, но стал беспечным.
Dutiyampi kho, bhikkhave, sakko devānamindo susīmaṁ devaputtaṁ āmantesi …pe… dutiyampi pamādaṁ āpādesi.
Во второй раз Сакка обратился к Сусиме…
Tatiyampi kho, bhikkhave, sakko devānamindo susīmaṁ devaputtaṁ āmantesi …pe… tatiyampi pamādaṁ āpādesi.
В третий раз Сакка обратился к Сусиме… но и в третий раз Сусима стал беспечным.
Atha kho, bhikkhave, sakko devānamindo susīmaṁ devaputtaṁ gāthāya ajjhabhāsi:
И тогда, бхикку, Сакка обратился к Сусиме такими строфами:
‘Anuṭṭhahaṁ avāyāmaṁ, sukhaṁ yatrādhigacchati; Susīma tattha gacchāhi, mañca tattheva pāpayā’ti.
„Туда, где не нужно трудиться, стараться, Но всё же блаженства где можно достичь, — Иди же туда, о Сусима, Меня не забудь с собой взять“.
‘Alasvassa anuṭṭhātā, na ca kiccāni kāraye; Sabbakāmasamiddhassa, taṁ me sakka varaṁ disā’ti.
„Чтобы ленивый не стал бы трудиться, Не стал выполнять бы свой долг, Но всё же при этом исполнил желания — Даруй же сей дар мне, о Сакка!“
‘Yatthālaso anuṭṭhātā, accantaṁ sukhamedhati; Susīma tattha gacchāhi, mañca tattheva pāpayā’ti.
„Туда, где ленивый не стал бы трудиться, Но всё же блаженства где можно достичь, — Иди же туда, о Сусима, Меня не забудь с собой взять“.
‘Akammunā devaseṭṭha, sakka vindemu yaṁ sukhaṁ; Asokaṁ anupāyāsaṁ, taṁ me sakka varaṁ disā’ti.
„Блаженство, о дэва великий, Которое можно найти,
О Сакка, без всякой работы, Лишённое грусти, отчаяния: Даруй же сей дар мне, о Сакка!“
‘Sace atthi akammena, koci kvaci na jīvati; Nibbānassa hi so maggo, susīma tattha gacchāhi; Mañca tattheva pāpayā’ti.
„И если где есть это место, Упадка где нет без работы, То это дорога к Ниббане: Иди же туда, о Сусима, Меня не забудь с собой взять“.
So hi nāma, bhikkhave, sakko devānamindo sakaṁ puññaphalaṁ upajīvamāno devānaṁ tāvatiṁsānaṁ issariyādhipaccaṁ rajjaṁ kārento uṭṭhānavīriyassa vaṇṇavādī bhavissati. Idha kho taṁ, bhikkhave, sobhetha, yaṁ tumhe evaṁ svākkhāte dhammavinaye pabbajitā samānā uṭṭhaheyyātha ghaṭeyyātha vāyameyyātha appattassa pattiyā, anadhigatassa adhigamāya, asacchikatassa sacchikiriyāyā”ti.
Так, бхикку, если даже Сакка, царь богов, который существует на плодах своих прошлых заслуг, осуществляет высочайшее владычество и управление над богами Таватимсы, восхвалял инициативу и старание, так что уж говорить о том, насколько это уместно для вас, получивших монашеское посвящение в столь хорошо провозглашённой Дхамме и Винае, чтобы трудиться, бороться и стараться для достижения ещё-не-достигнутого, для обретения ещё-не-обретенного, для осуществления ещё не-осуществлённого».