AN 3.12 PTS AN 1.106 2. Изготовитель повозок
Sāraṇīyasutta
Нужно помнить
Нажмите на любое слово пали, чтобы увидеть его значение.
“Tīṇimāni, bhikkhave, rañño khattiyassa muddhāvasittassa yāvajīvaṁ sāraṇīyāni bhavanti. Katamāni tīṇi? Yasmiṁ, bhikkhave, padese rājā khattiyo muddhāvasitto jāto hoti. Idaṁ, bhikkhave, paṭhamaṁ rañño khattiyassa muddhāvasittassa yāvajīvaṁ sāraṇīyaṁ hoti.
«Бхикку, есть эти три места, которые помазанный на царствование кхаттийский царь должен помнить всю свою жизнь. Какие три? Где он родился. Это первое место
Puna caparaṁ, bhikkhave, yasmiṁ padese rājā khattiyo muddhāvasitto hoti. Idaṁ, bhikkhave, dutiyaṁ rañño khattiyassa muddhāvasittassa yāvajīvaṁ sāraṇīyaṁ hoti.
Где его помазали на царствование. Это второе место.
Puna caparaṁ, bhikkhave, yasmiṁ padese rājā khattiyo muddhāvasitto saṅgāmaṁ abhivijinitvā vijitasaṅgāmo tameva saṅgāmasīsaṁ ajjhāvasati. Idaṁ, bhikkhave, tatiyaṁ rañño khattiyassa muddhāvasittassa yāvajīvaṁ sāraṇīyaṁ hoti. Imāni kho, bhikkhave, tīṇi rañño khattiyassa muddhāvasittassa yāvajīvaṁ sāraṇīyāni bhavanti.
Где, выиграв сражение, он выходит победителем на поле боя. Это третье место. Таковы три места, которые помазанный на царствование кхаттийский царь должен помнить всю свою жизнь.
Evamevaṁ kho, bhikkhave, tīṇimāni bhikkhussa yāvajīvaṁ sāraṇīyāni bhavanti. Katamāni tīṇi? Yasmiṁ, bhikkhave, padese bhikkhu kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajito hoti. Idaṁ, bhikkhave, paṭhamaṁ bhikkhussa yāvajīvaṁ sāraṇīyaṁ hoti.
Точно так же, бхикку, есть эти три места, которые бхикку должен помнить всю свою жизнь. Какие три? Где он обрил волосы и бороду, надел жёлтые одежды и покинул жизнь домохозяйскую ради жизни бездомной. Это первое место.
Puna caparaṁ, bhikkhave, yasmiṁ padese bhikkhu ‘idaṁ dukkhan’ti yathābhūtaṁ pajānāti, ‘ayaṁ dukkhasamudayo’ti yathābhūtaṁ pajānāti, ‘ayaṁ dukkhanirodho’ti yathābhūtaṁ pajānāti, ‘ayaṁ dukkhanirodhagāminī paṭipadā’ti yathābhūtaṁ pajānāti. Idaṁ, bhikkhave, dutiyaṁ bhikkhussa yāvajīvaṁ sāraṇīyaṁ hoti.
Где он понял в соответствии с действительностью: «Это – страдание», и «Это – происхождение страдания», и «Это – прекращение страдания», и «Это – путь, ведущий к прекращению страдания». Это второе место.
Puna caparaṁ, bhikkhave, yasmiṁ padese bhikkhu āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati. Idaṁ, bhikkhave, tatiyaṁ bhikkhussa yāvajīvaṁ sāraṇīyaṁ hoti. Imāni kho, bhikkhave, tīṇi bhikkhussa yāvajīvaṁ sāraṇīyāni bhavantī”ti.
Где за счёт уничтожения пятен умственных загрязнений, реализовав эти состояния для себя посредством прямого знания, он здесь и сейчас вошёл в незапятнанное освобождение ума, освобождение мудростью и пребывал в них. Это третье место. Таковы три места, которые бхикку должен помнить всю свою жизнь».
Dutiyaṁ.