AN 3.21 PTS AN 1.118 3. Личности
Samiddhasutta
Савиттха
Нажмите на любое слово пали, чтобы увидеть его значение.
Evaṁ me sutaṁ— ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.
Так я слышал. Однажды Благословенный проживал в Саваттхи, в роще Джеты, в парке Анатхапиндики.
Atha kho āyasmā ca samiddho āyasmā ca mahākoṭṭhiko yenāyasmā sāriputto tenupasaṅkamiṁsu; upasaṅkamitvā āyasmatā sāriputtena saddhiṁ sammodiṁsu.
И тогда достопочтенный Савиттха и достопочтенный Махакоттхита подошли к достопочтенному Сарипутте и обменялись с ним приветствиями.
Sammodanīyaṁ kathaṁ sāraṇīyaṁ vītisāretvā ekamantaṁ nisīdiṁsu. Ekamantaṁ nisinnaṁ kho āyasmantaṁ samiddhaṁ āyasmā sāriputto etadavoca: “Tayome, āvuso samiddha, puggalā santo saṁvijjamānā lokasmiṁ. Katame tayo? Kāyasakkhī, diṭṭhippatto, saddhāvimutto. Ime kho, āvuso, tayo puggalā santo saṁvijjamānā lokasmiṁ. Imesaṁ, āvuso, tiṇṇaṁ puggalānaṁ katamo te puggalo khamati abhikkantataro ca paṇītataro cā”ti?
После обмена вежливыми приветствиями и любезностями они сели рядом. Тогда достопочтенный Сарипутта сказал достопочтенному Савиттхе: «Друг Савиттха, в мире есть эти три типа личностей. Какие три? Засвидетельствовавший-телом, достигший-воззрения, освобождённый-верой. Таковы три типа личностей в мире. Какого из этих трёх типов личностей ты считаешь превосходным и высочайшим?»
“Tayome, āvuso sāriputta, puggalā santo saṁvijjamānā lokasmiṁ. Katame tayo? Kāyasakkhī, diṭṭhippatto, saddhāvimutto. Ime kho, āvuso, tayo puggalā santo saṁvijjamānā lokasmiṁ. Imesaṁ, āvuso, tiṇṇaṁ puggalānaṁ yvāyaṁ puggalo saddhāvimutto, ayaṁ me puggalo khamati imesaṁ tiṇṇaṁ puggalānaṁ abhikkantataro ca paṇītataro ca. Taṁ kissa hetu? Imassa, āvuso, puggalassa saddhindriyaṁ adhimattan”ti.
«Друг Сарипута, в мире есть эти три типа личностей. Какие три? Засвидетельствовавший-телом, достигший-воззрения, освобождённый-верой. Таковы три типа личностей в мире. Из этих трёх типов личностей я считаю превосходным и высочайшим освобождённого-верой. И почему? Потому что преобладающим качеством этой личности является вера».
Atha kho āyasmā sāriputto āyasmantaṁ mahākoṭṭhikaṁ etadavoca: “tayome, āvuso koṭṭhika, puggalā santo saṁvijjamānā lokasmiṁ. Katame tayo? Kāyasakkhī, diṭṭhippatto, saddhāvimutto. Ime kho, āvuso, tayo puggalā santo saṁvijjamānā lokasmiṁ. Imesaṁ, āvuso, tiṇṇaṁ puggalānaṁ katamo te puggalo khamati abhikkantataro ca paṇītataro cā”ti?
Тогда достопочтенный Сарипутта сказал достопочтенному Махакоттхите: «Друг Коттхита, в мире есть эти три типа личностей. Какие три? Засвидетельствовавший-телом, достигший-воззрения, освобождённый-верой. Таковы три типа личностей в мире. Какого из этих трёх типов личностей ты считаешь превосходным и высочайшим?»
“Tayome, āvuso sāriputta, puggalā santo saṁvijjamānā lokasmiṁ. Katame tayo? Kāyasakkhī, diṭṭhippatto, saddhāvimutto. Ime kho, āvuso, tayo puggalā santo saṁvijjamānā lokasmiṁ. Imesaṁ, āvuso, tiṇṇaṁ puggalānaṁ yvāyaṁ puggalo kāyasakkhī, ayaṁ me puggalo khamati imesaṁ tiṇṇaṁ puggalānaṁ abhikkantataro ca paṇītataro ca. Taṁ kissa hetu? Imassa, āvuso, puggalassa samādhindriyaṁ adhimattan”ti.
«Друг Сарипута, в мире есть эти три типа личностей. Какие три? Засвидетельствовавший-телом, достигший-воззрения, освобождённый-верой. Таковы три типа личностей в мире. Из этих трёх типов личностей я считаю превосходным и высочайшим засвидетельствовавшего-телом. И почему? Потому что преобладающим качеством этой личности является сосредоточение».
Atha kho āyasmā mahākoṭṭhiko āyasmantaṁ sāriputtaṁ etadavoca: “tayome, āvuso sāriputta, puggalā santo saṁvijjamānā lokasmiṁ. Katame tayo? Kāyasakkhī, diṭṭhippatto, saddhāvimutto. Ime kho, āvuso, tayo puggalā santo saṁvijjamānā lokasmiṁ. Imesaṁ, āvuso, tiṇṇaṁ puggalānaṁ katamo te puggalo khamati abhikkantataro ca paṇītataro cā”ti?
Тогда достопочтенный Махакоттхита сказал достопочтенному Сарипутте: «Друг Сарипута, в мире есть эти три типа личностей. Какие три? Засвидетельствовавший-телом, достигший-воззрения, освобождённый-верой. Таковы три типа личностей в мире. Какого из этих трёх типов личностей ты считаешь превосходным и высочайшим?»
“Tayome, āvuso koṭṭhika, puggalā santo saṁvijjamānā lokasmiṁ. Katame tayo? Kāyasakkhī, diṭṭhippatto, saddhāvimutto. Ime kho, āvuso, tayo puggalā santo saṁvijjamānā lokasmiṁ. Imesaṁ, āvuso, tiṇṇaṁ puggalānaṁ yvāyaṁ puggalo diṭṭhippatto, ayaṁ me puggalo khamati imesaṁ tiṇṇaṁ puggalānaṁ abhikkantataro ca paṇītataro ca. Taṁ kissa hetu? Imassa, āvuso, puggalassa paññindriyaṁ adhimattan”ti.
«Друг Коттхита, в мире есть эти три типа личностей. Какие три? Засвидетельствовавший-телом, достигший-воззрения, освобождённый-верой. Таковы три типа личностей в мире. Из этих трёх типов личностей я считаю превосходным и высочайшим достигшего-воззрения. И почему? Потому что преобладающим качеством этой личности является мудрость».
Atha kho āyasmā sāriputto āyasmantañca samiddhaṁ āyasmantañca mahākoṭṭhikaṁ etadavoca: “byākataṁ kho, āvuso, amhehi sabbeheva yathāsakaṁ paṭibhānaṁ. Āyāmāvuso, yena bhagavā tenupasaṅkamissāma; upasaṅkamitvā bhagavato etamatthaṁ ārocessāma. Yathā no bhagavā byākarissati tathā naṁ dhāressāmā”ti.
Тогда достопочтенный Сарипутта обратился к достопочтенному Савиттхе и достопочтенному Махакоттхите: «Друзья, каждый из нас высказался в соответствии со своим собственным идеалом. Ну же, пойдёмте к Благословенному и расскажем ему об этом. Запомним так, как он объяснит это нам».
“Evamāvuso”ti kho āyasmā ca samiddho āyasmā ca mahākoṭṭhiko āyasmato sāriputtassa paccassosuṁ. Atha kho āyasmā ca sāriputto āyasmā ca samiddho āyasmā ca mahākoṭṭhiko yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinno kho āyasmā sāriputto yāvatako ahosi āyasmatā ca samiddhena āyasmatā ca mahākoṭṭhikena saddhiṁ kathāsallāpo taṁ sabbaṁ bhagavato ārocesi.
«Да, друг», – ответили достопочтенный Савиттха и достопочтенный Махакоттхита. И тогда достопочтенный Сарипутта, достопочтенный Савиттха и достопочтенный Махакоттхита отправились к Благословенному, поклонились ему и сели рядом. Затем достопочтенный Сарипутта поведал ему обо всей случившейся беседе.
“Na khvettha, sāriputta, sukaraṁ ekaṁsena byākātuṁ: ‘ayaṁ imesaṁ tiṇṇaṁ puggalānaṁ abhikkantataro ca paṇītataro cā’ti. Ṭhānañhetaṁ, sāriputta, vijjati yvāyaṁ puggalo saddhāvimutto svāssa arahattāya paṭipanno, yvāyaṁ puggalo kāyasakkhī svāssa sakadāgāmī vā anāgāmī vā, yo cāyaṁ puggalo diṭṭhippatto sopassa sakadāgāmī vā anāgāmī vā.
«Непросто, Сарипутта, сделать однозначное утверждение в этом вопросе и сказать: «Из этих трёх типов личностей вот этот является превосходным и высочайшим». Ведь существует возможность, что освобождённый-верой практикует ради арахантства, тогда как засвидетельствовавший-телом и достигший-воззрения являются однажды-возвращающимися или не-возвращающимися.
Na khvettha, sāriputta, sukaraṁ ekaṁsena byākātuṁ: ‘ayaṁ imesaṁ tiṇṇaṁ puggalānaṁ abhikkantataro ca paṇītataro cā’ti. Ṭhānañhetaṁ, sāriputta, vijjati yvāyaṁ puggalo kāyasakkhī svāssa arahattāya paṭipanno, yvāyaṁ puggalo saddhāvimutto svāssa sakadāgāmī vā anāgāmī vā, yo cāyaṁ puggalo diṭṭhippatto sopassa sakadāgāmī vā anāgāmī vā.
Непросто, Сарипутта, сделать однозначное утверждение в этом вопросе и сказать: «Из этих трёх типов личностей вот этот является превосходным и высочайшим». Ведь существует возможность, что засвидетельствовавший-телом практикует ради арахантства, тогда как освобождённый-верой и достигший-воззрения являются однажды-возвращающимися или не-возвращающимися.
Na khvettha, sāriputta, sukaraṁ ekaṁsena byākātuṁ: ‘ayaṁ imesaṁ tiṇṇaṁ puggalānaṁ abhikkantataro ca paṇītataro cā’ti. Ṭhānañhetaṁ, sāriputta, vijjati yvāyaṁ puggalo diṭṭhippatto svāssa arahattāya paṭipanno, yvāyaṁ puggalo saddhāvimutto svāssa sakadāgāmī vā anāgāmī vā, yo cāyaṁ puggalo kāyasakkhī sopassa sakadāgāmī vā anāgāmī vā.
Непросто, Сарипутта, сделать однозначное утверждение в этом вопросе и сказать: «Из этих трёх типов личностей вот этот является превосходным и высочайшим». Ведь существует возможность, что достигший-воззрения практикует ради арахантства, тогда как освобождённый-верой и засвидетельствовавший являются однажды-возвращающимися или не-возвращающимися.
Na khvettha, sāriputta, sukaraṁ ekaṁsena byākātuṁ: ‘ayaṁ imesaṁ tiṇṇaṁ puggalānaṁ abhikkantataro ca paṇītataro cā’”ti.
Непросто, Сарипутта, сделать однозначное утверждение в этом вопросе и сказать: «Из этих трёх типов личностей вот этот является превосходным и высочайшим».
Paṭhamaṁ.